Колку ВОДА дневно е доволно?
Есенцијален извор на убавина, младост, виталност, со еден збор – ВОДА! Но колкава количина треба да конзумираме во текот на денот? Дали оптималните 2 литри се доволни или има друга формула за пресметување?
Во просек дневно човековиот организам губи 2 литри вода, од кои најмногу преку урина и пот. На телото му се потребни вода и други течности како правилно би функционирале и би избегнале дехидратација. Повеќето производи, особено овошјето и зеленчукот, во својот состав содржат вода. Меѓу нив би ги споменале: Краставица – 96.7% ; Марула – 95.6% ; Целер – 95.4% ; Ротквица – 95.3% ; Домат – 94.5% ; Зелена пиперка – 93.9% ; Карфиол – 92.1% ; Лубеница – 91.5% ; Спанаќ – 91.4% ; Јагоди – 91% ; Брокула – 90.7% ; Грејпфрут – 90.5% итн.
Пресметувањето е на следниот начин:
Тежина во килограми | Вода во литри |
50 | 2 |
60 | 2.5 |
70 | 3 |
80 | 3.5 |
90 | 4 |
Доколку сакате попрактичен начин на пресметување, тогаш следете го следното правило:
25 килограми = 1 литар ВОДА
Било кој начин да го изберете за пресметка нема да погрешите. Во меѓувреме пробајте барем дел од газираните пијалоци да ги замените со вода. Се што е обоено е преработено и не е природно. Водата доаѓа од природата, а ние сме нејзини чеда. Затоа и нашата врска е нераскинлива.
Не заборавајте: Телото е составено од 50-65% вода! Пола човек – пола вода!