Започнува проектот „ТАЛЕНТИРАНА НАЦИЈА“
УКАБУКА е сајт каде реалноста добива една нова димензија, преплетена со доза на позитива и креативен набој. Нашето мото е „Нека твојата УКА направи БУКА“, и поради тоа решивме да го започнеме проектот „ТАЛЕНТИРАНА НАЦИЈА“ каде ќе пробаме да ги пронајдеме оние ѕвезди помеѓу вас, кои со своите текстови ќе си го најдат своето место во овој глобален интернет универзум.
Содржината оставаме да биде по ваш вкус. Љубов, природа, патувања, секојдневие, Македонија, емоции, политика, економија, психологија или било кој аспект од животот во кој го пронаоѓате вашето ЈАС, можат да бидат теми на ваше креативно изразување. Најважно е зборовите да ги отсликува вашите емоции, размислувања, вашите ставови и гледишта, секако држејќи се до концептот на нашата страна односно отсликување на реалната вистина на животот зачинето со пријатен мирис на свежина и позитивна енергија.
Комуникацијата ќе оди преку нашата Фејсбук страница, каде ќе комуницираме за се околу вашите текстови и нивното објавување, со што за најдобрите ќе следуваат и слатки изненадувања, а веруваме дека со некои од вас ќе оствaриме и долгорочна соработка на нашиот портал.
Ве повикуваме сите вас, креативци, текстописци и сите други инспиративци да ни пишете и заедно да ја пренесеме вашата порака до светот!
А сега пуштети ги вашите виуги слободно да талкаат низ вашите мисловни лавиринти барајќи го скриеното богатство кое ќе го преточите во една мелодија од зборови, наменета да ги плени и ратрепери сите сетила на нашите читатели.
Убавиот збор железни врати отвара.
0
