ОВЕС за добро здравје
Малкумина знаат, но овесот е всушност една од најхранливите житарки! Нејзината калорична вредност е дури 400 калории на 100 грама. Идеална за утрински оброк, но и за пладневна ужинка. Бенефитите од овесот се навистина големи, а ние во овој случај ќе одвоиме неколку од нив.
Оваа житарка е богата со протеини, растителни влакна, како и минерали и витамини од групата Б. Во зрното од овесот е присутен хормонот за растење заедно со калциумот кој го има во голема количина. Поради тоа, овесот е идеална храна за млади во раст, како и за трудници.
О
весот го зајакнува организмот, го регулира метаболизмот, ја зголемува телесната топлина и помага при анксиозност и депресија. Тој исто така се користи во многу препарати за нега на тело. Ја чисти кожата, воедно и ја штити, ја омекнува и хидрира.
Нема да згрешите доколку се одлучите за овесна каша за појадок, бидејќи таа е вистински нискокалоричен оброк, богат со влакна и сложени јаглехидрати кои долго се варат и подолго време ќе чувствувате ситост.
Овесот го стабилизира шеќерот во крвта и со тоа го намалува ризикот од дијабетис тип 2. Тој го намалува лошиот холестерол и штити од срцеви болести и рак. Го зајакнува имунитетот и му помага на организмот брзо да се ослободи од бактериите. Поради присутниот фосфор, овесот помага за подобро помнење, и е одличен извор на енергија за почеток на денот.
Кој рече дека овесот мора да го внесуваме само во вид на каша? Што велите за овие вкусни овесни колачиња со брусница … м м м одличен избор нели.
А еве и еден специјален рецепт за трудници (а и за сите останати), бидејќи е особено богат со железо, магнезиум, калциум, растителни влакна, витамини, минерали итн … СЕ ВО ЕДНО за еден пристоен нискокалоричен и високо нутритивен појадок.
Еве што ви е потребно:
- 2 лажици овесни снегулки,
- шолја млеко,
- 1 лажичка какао,
- семки од сончоглед,
- семки од тиква,
- лажичка мед.
Обарете ги овесните снегулки во млеко (доколку сакате можете млекото да го замените и со вода). На омекнатите снегулки додадете го какаото и убаво промешајте. Истурете ја смесата во длабока чинија. Нaросете одозгора со семките од тиква и сончоглед и убаво прелијте ја смесата со полна лажичка мед. Топол и благ појадок кој ќе биде го навести почетокот на денот. Уживајте и нека ви е на здравје.
0
