Природен лек за синуси
Синусната инфекција се јавува кога отекуваат синусите, што го спречува природното цедење, односно доведува до болка, притисок и отежнато дишење. Во продолжение ќе прочитате неколку лека кои на природна база без користење на антибиотик можат да ви помогнат при лечење на синусите.
- Природен лек за синуси со РЕН
Навечер, пред спиење, на топла рингла ставете една лажица изрендан корен од рен. Покријте ја главата со голем пешкир, наведнете се и вдишете го чадот. Повторете ја постапката најмалку 5 последователни дена.
- Инхалација на синуси со КОПАР или со БОСИЛЕК
Ставете 3 големи лажици копар (или босилек) во еден литар зовриена вода и варете најмногу од 2 до 3 минути. Ставете го тенџерето на маса, покријте ја главата со пешкир и вдишувајте ја врелата пареа најмалку 15 минути. Оваа техника применувајте ја навечер пред спиење и немојте ни случајно да излегувате надвор или да бидете изложени на промаја по направената инхалација. Со помош на овој метод се ублажува синузитисот во рок од 7 дена.
- Чај од ЛИМОН и ЦИМЕТ за синуси
Овој чај од лимон е одличен лек за синусна главоболка. Потребни состојки се:
- 1 лимон
- 1 до 2 каранфилчиња
- 1/2 лажичка цимет
- 2 лажички шеќер
Подготовка: Исечете го лимонот на кругови, додајте 1/2 литар вода, каранфилчето, циметот и шеќерот. Оставете да врие околу 5 минути. Процедете и ставете во шолја. Пијте со помош на лажица, како супа, лажица по лажица што потопло тоа подобро, но пазете да не биде премногу жешко.
- Инхалација со мешавина од зачини
- бел лук во прав
- црн лук во прав
- жалфија
- мајчина душица
- каранфилче
- цимет
- неколку семенки ким
Припрема: Земете еднаква количина од секој од наведените состојки. Направете мешавина од нив. Кога водата во тенџерето ќе зоврие, додајте 2-3 лажици од мешавината. Вдишете од врелата пареа со ставен пешкир преку глава.
Природата секогаш го има одговорот.
0
